Hafan > Amdanom Ni > Rhwydwaith Gweithgaredd Corfforol Cymru

Rhwydwaith Gweithgaredd Corfforol Cymru

Yn 1999 estynnodd Llywodraeth Cynulliad Cymru wahoddiad i Gyngor Chwaraeon Cymru gynnull Tasglu Byw’n Iach a Gweithgar i roi cyngor ar faterion trawsbynciol er mwyn cynyddu lefelau gweithgaredd corfforol yng Nghymru. Cynhyrchwyd cyfres o argymhellion ar ddiwedd 2001 ac yn dilyn ymgynghoriad cynhyrchwyd ‘Ffyrdd iach a gweithgar o fyw yng Nghymru: fframwaith ar gyfer gweithredu’. Mae hyn yn amlinellu rhaglen o gamau i annog poblogaeth Cymru, yn arbennig y boblogaeth fwy eisteddog, i fyw bywydau mwy gweithgar ac iach.

Bwriad y cynllun hwn oedd ategu mentrau eraill Llywodraeth Cynulliad Cymru, yn cynnwys y Strategaeth Cerdded a Seiclo, y Cynllun Gweithredu Addysg Gorfforol a Chwaraeon mewn Ysgolion a’r Strategaeth Chwaraeon a Gweithgareddau Hamdden Egnïol er mwyn mynd i’r afael â lefelau cynyddol o anweithgarwch drwy sylfaen eang o fentrau.

Er mwyn cyflawni newid, cydnabyddir bod angen partneriaethau effeithiol. Un o amcanion allweddol y Cynllun byw’n iach a gweithgar oedd datblygu partneriaethau a strategaethau cenedlaethol a lleol i gynyddu gweithgaredd corfforol drwy fyw’n weithgar. Mae llawer o’r partneriaethau hyn eisoes ar waith; yr hyn sydd angen ei wneud yw sicrhau y caiff gweithgaredd corfforol ei gynnwys ym mhob rhaglen iechyd a ddatblygir gan y partneriaethau hyn. Un o argymhellion y cynllun felly, oedd sefydlu grwp cyswllt gweithgaredd corfforol Cymru gyfan er mwyn dod â chynrychiolwyr cenedlaethol a lleol ynghyd i nodi amcanion cyffredin a rhannu arfer gorau, a sefydlu Rhwydwaith Gweithgaredd Corfforol Cymru.

Bydd Rhwydwaith Gweithgaredd Corfforol Cymru yn cysylltu ag unigolion a sefydliadau ar draws y sbectrwm cyfan o weithgaredd corfforol yng Nghymru, gan ddarparu cymorth a hwyluso gweithio mewn partneriaeth. Bydd y rhwydwaith hefyd yn hwyluso rhannu gwybodaeth ac egwyddorion arfer gorau, gyda’r nod o gynyddu faint o weithgaredd corfforol y mae pobl Cymru yn ei wneud. 

Yn 2005 comisiynwyd Canolfan Iechyd cymru gan Lywodraeth Cynulliad Cymru Canolfan Iechyd Cymru i ddatblygu a sefydlu Rhwydwaith Gweithgaredd Corfforol Cymru. Lansiwyd Rhwydwaith Gweithgaredd Corfforol Cymru yn ffurfiol ym mis Hydref 2006.

Yn 2007 unodd Rhwydwaith Maeth Cymru a Rhwydwaith Gweithgaredd Corfforol Cymru i greu cynghrair.